સુરત : BOBમાં વધુ એક કૌભાંડ, કર્મચારીઓ સાથે મળી ઠગ ટોળકી 8.33 કરોડનો ચૂનો ચોપડી ગઈ


Updated: September 16, 2020, 4:30 PM IST
સુરત : BOBમાં વધુ એક કૌભાંડ, કર્મચારીઓ સાથે મળી ઠગ ટોળકી 8.33 કરોડનો ચૂનો ચોપડી ગઈ
સીઆઈડી ક્રાઇમે આરોપીઓની સામે ફરિયાદ નોંધીને કાર્યવાહી શરૂ કરી છે.

સીઆઇડી ક્રાઇમમાં બેંકના અધિકારી, એજન્ટ તથા ધિરાણ લેનાર પાર્ટીઓ સહિત 44 જણ સામે ગુનો નોંધાયો, સામાન્ય માણસ ધક્કા ખાતો રહે અને ગઠિયાઓને જલસા

  • Share this:
બેંક ઓફ બરોડાની (Bank of baroda) નવયુગ શાખામાં ધિરાણ આપવાના બહાને 2.27 કરોડના ફ્રોડ (Loan scam) બાદ ડુમસ બાંચ સાથે પણ આ જ મોડસ ઓપરન્ડીથી ઠગાઇનું રેકેટ (Loan racket) બહાર આવ્યું છે. એજન્ટ તથા વિવિધ એકમોના સંચાલકો સાથે મળી બોગસ ક્વોટેશન લેટર સહિતના ડોક્યુમેન્ટ્સ રજૂ કરી બેંકને 8.33 કરોડ (Loan of 8.33 crores)નો ચૂનો ચોપડાયો હતો. સીઆઇડી ક્રાઇમમાં (Surat CID Crime) બેંકના અધિકારી, એજન્ટ તથા ધિરાણ લેનાર પાર્ટીઓ સહિત 44 જણ સામે ગુનો નોંધાયો છે.

પાલ ગેલેક્ષી સર્કલ ખાતે ગેલેક્ષી એન્કલેવમાં રહેતા અમિતભાઇ ચૌધરી બેંક ઓફ બરોડાની ડુમસ શાખામાં મેનેજર છે. બેંક દ્વારા સરકાર તરફથી ચાલતી વિવિધ યોજનાઓ અંતર્ગત ધિરાણ આપવામાં આવે છે. દરમિયાન બેંક દ્વારા તપાસ કરાતા એવું બહાર આવ્યું હતું કે, વર્ષ 2016થી 2018ના સમયગાળામાં બેંકના કેટલાંક અધિકારીઓએ ગુનાઇત કાવતરું રચી કેટલીક પાર્ટીઓ કહો કે એકમો સાથે મળી વિવિધ મશીનરીના નામે ધિરાણ આપવાનું જણાવી ઝીરોમેક્ષ -ઇન્ડસ્ટ્રીઝ, વી.એમ.એન્ટરપ્રાઇઝ, તપોવન એન્ટરપ્રાઇઝ વિગેરે પેઢીઓ મશીનરીના સપ્લાયર અને ડીલર છે એવાં ખોટાં ડોક્યુમેન્ટ્સ ઉભા કર્યા હતા.

આ પણ વાંચો :  સુરત : દહેજ માટે સસરાએ માર માર્યો, દિયરે અશ્લીલ હરકત કરી, પતિએ પત્નીનો પક્ષ લેતા ઘરમાંથી કાઢી મૂક્યા


બોગસ ક્વોટેશન લેટર બનાવી સહિ-સિક્કા કરી બેંકમાં રજૂ કર્યા હતા. બેંકના સિનિયર મેનેજર ઉમેશ દલાલ ધિરાણ લેનાર પાર્ટી કે એકમના બેંક એકાઉન્ટમાં બિઝનેસ ટર્ન ઓવર નહિ હોવા સાથે ફોન નંબર વગરના ક્વોટેશન હોવા છતાં વેરિફિકેશન કર્યા વગર કેડિટ ફેસિલિટી આપી હતી.

આ પણ વાંચો :   સુરત : 'પિયરમાંથી 2 દિવસમાં 50 લાખ રૂપિયા નહીં લાવે તો કેરોસીન છાંટી સળગાવી દઈશ'અન્ય બેંકોમાંથી ક્રેડિટ ફેસિલિટી અંગેના ઓપિનિયન રિપોર્ટ મંગાવ્યા વગર તેમજ ફેક્ટરીના લાયસન્સ એક્સપાયર થઇ ગયા હોવા છતાં સિબિલ રિપોર્ટ નહિ મંગાવી ફોર આઇ કોન્સેપ્ટનું પાલન કર્યુ ન હતુ. આમ, બેંકના આ અધિકારીએ ધિરાણની યોજનાનો ગેરલાભ લઇ નાણાંનો દુરૂપયોગ કરી રૂ 8.33 કરોડની બેંક સાથે છેતરપિંડી કરી હતી. બેંક મેનેજરે ફરિયાદ આપતા સીઆઇડી ક્રાઇમે બેંકના તત્કાલિન અધિકારીઓ ઉમેશ દલાલ. એજન્ટ નિલેશ વાઘેલા, ઝીરો મેક્ષના ભરત અકબરી તથા ધિરાણ લેનાર મહિલાઓ સહિત 44 જણા સામે છેતરપિંડીનો ગુનો નોંધ્યો હતો.
Published by: Jay Mishra
First published: September 16, 2020, 2:50 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading