આજે રાજ્યના (Gujarat) છ મહાનગરો અમદાવાદ (Ahmedabad), રાજકોટ (Rajkot), વડોદરા (Vadodara), સુરત (Surat), ભાવનગર (Bhavnagar) અને જામનગરની (Jamnagar) પાલિકાની ચૂંટણીની (Local body Election) મતગણતરી (Gujarat Municipal corporation election 2021 Results) હાથ ધરવામાં આવી રહી છે. ગત ચૂંટણી કરતાં આ વખતે તમામ મહાનગરપાલિકામાં સરેરાશ મતદાન (voting) ઓછુ નોંધાયુ છે. આજે મતદાતાનો ઝુકાવ કોના તરફ છે તે સ્પષ્ટ થઈ ગયું છે. છ મનપામાં 576 બેઠકો પર 2276 ઉમેદવારોના ભાવિનો ફેંસલો આજે થવાનો છે. હાલ તો ઉમેદવારોનુ ભાવિ ઇવીએમમાં કેદ છે. રાજ્યની તમામ છ મહાનગર પાલિકામાં કેસરિયો લહેરાઈ રહ્યો છે. દરમિયાન રાજ્યના જામનગરમાંથી એક ચોંકાવનારા પરિણામો આવ્યા છે. અહીંયા ભાજપ અને કૉંગ્રેસને હરાવીને વોર્ડ નંબર છમાં માયાવતીની બહુજન સમાજવાદી પાર્ટીના ત્રણ ઉમેદવારો જીત્યા છે.
જામનગરના વોર્ડ નંબર છમાં બહુજન સમાજવાદી પાર્ટીના ફુકરાન સેખ, જ્યોતિ ભારવડિયા, રાહુલ બોરીચાનો વિજય થયો છે. આ સાથે ભાજપની પેનલમાંથી જયુબા ઝાલાનો વિજય થયો છે. આમ ભાજપ અને કોંગ્રેસને કચડીને બહુજન સમાજવાદી પાર્ટીના હાથીએ સવારી કાઢી છે.
દરમિયાન રાજ્યમાં ભારતીય જનતા પાર્ટી તમામ મહાનગરોમાં આગળ છે. જામનગરમાં બપોરે 1.30 વાગ્યાની સ્થિતિ મુજબ ભારતીય જનતા પાર્ટી 36 પર, કૉંગ્રેસ 5 અને બસપા 3 પર આગળ છે. કુલ 64 બેઠકો પૈકીની 36 પર સત્તાધારી ભારતીય જનતા પાર્ટી આગળ છે.
રાજકોટમાં કેસરિયોરાજ્યના સીએમ વિજય રૂપાણીના શહેર રાજકોટમાં બીજેપી બહુમત તરફ પહોંચી છે જ્યારે અત્યાર સુધી કૉંગ્રેસને એકપણ બેઠક મળી નથી. આ સાથે વડોદરામાં બીજેપીએ 25 બેઠકો પર જીત મેળવી છે અને કૉંગ્રેસે 7 બેઠકો પર જીત મેળવી છે.
અમદાવાદના બીજેપીના કાર્યાલય ખાતે વિયતોત્સવની તૈયારીઓ કરવામાં આવી રહી છે. મળતી માહિતી પ્રમાણે, આજે સાંજે આ વિજયોત્સવમાં સીએમ વિજય રૂપાણી (CM Vijay Rupani) , પ્રદેશ અધ્યક્ષ સી.આર પાટીલ (C.R. Patil) અને ગૃહમંત્રી અમિત શાહ (Amit Shah) પણ આવી શકે છે.
